ಪದ್ಯ

ಚಳಿಗೆ ಎಷ್ಟೊಂದು ಆಪಾದನೆಗಳು

ಮಳೆ ಹನಿಗಳಿಗೆ 

ಬಸೆದು ವಿರಹ

ತಂದುಕೊಂಡು ನೂರು ಕಲಹ

ಎದೆಯೊಳೆಲ್ಲ ಕೋಲಾಹಲ

"ಧೋ.."

ಎಂದು ಸುರಿವ 

ಮಳೆಯ ಸಾಂತ್ವಾನ

ಹ್ಞೂ ಹು ಇಲ್ಲವೇ ಇಲ್ಲ,

ಒಂದು ಘಳಿಗೆಯೂ ವಿರಾಮ

ಕನವರಿಕೆ ಚಡಪಡಿಕೆ

ಕನಸಳೊಂದು ಸುಂದರ ಕಲ್ಪನೆ

ರಾತ್ರಿ ಹಗಲಿನ ಮೇಲೆ

ಅದೇನೋ ದ್ವೇಷ

ಮಳೆ ಹನಿಗಳು 

ಮನದೊಳು ತೇಲಾಡಿ 

ಹಸಿಯಾಡಬಾರದಿತ್ತು

ಹೆಪ್ಪುಗಟ್ಟಿದ ಕಾಮನೆ 

ಉರಿದೇಳಬಾರದಿತ್ತು

ಹೀಗೆ ಬೆನ್ನಿಗೆ ಬಿದ್ದು 

ನನ್ನ ನೀ ಕಾಡಬಾರದಿತ್ತು

ಎಲ್ಲಾ ಈ ಚಳಿಯ ಮಹಿಮೆಯೋ

ನಿನ್ನಿಂದಾಗಿ ಆಪಾದನೆಗಳೆಷ್ಟೋ 

ಸುಮ್ಮನೆ ಈ ಚಳಿಗಾಲಕೆ..

02/12/2015